By ~ Sang Quptong
Mihingte' a pilvangpen in leng a hinkhua ah khatveitei van a sukmang hun om di'n agintakhuai hi.Van manphalou i sakte le i sukmang chiang in lungsim anuam theikei a, utthu a van sukmang ahihlouh man in,sukmang vuallouh sukmangkhak chihbang le omthei hi.Van amang ching in lungsim hon kam gegu a,kitumuang theilou, ki-ihmu theilou, kileklek in a ki-om hi.
Van chih phetlouh, mihing bang leng kisukmang hun atam mahmah hi. A lehlam ah, vanmang mutute'n amau neihsa leh lamsa ahihlouhdan atheih ua,'aneitu in deih di ahi' chihkhawng i ngaihtuah ding ahi.Mi khenkhat taget in lah,van mang a muhchiang ua 'tuahpha' kisa mahmah lai te i hi uhi.Vanmang i muh chiang in,a neitu zonkhiat chu amutu mohpuakna ahihdan thei thakthak leng deihhuai hi.Zonkhiat di chih man a khauhdeuh a thu suah a,ahunchiam ma a piak sese louh a zongkhiat didan leng om di ahi.
Van chih phetlouh, mihing bang leng kisukmang hun atam mahmah hi. A lehlam ah, vanmang mutute'n amau neihsa leh lamsa ahihlouhdan atheih ua,'aneitu in deih di ahi' chihkhawng i ngaihtuah ding ahi.Mi khenkhat taget in lah,van mang a muhchiang ua 'tuahpha' kisa mahmah lai te i hi uhi.Vanmang i muh chiang in,a neitu zonkhiat chu amutu mohpuakna ahihdan thei thakthak leng deihhuai hi.Zonkhiat di chih man a khauhdeuh a thu suah a,ahunchiam ma a piak sese louh a zongkhiat didan leng om di ahi.
I Zogam uh leng neusim bang mahleh, niteng tanchinbute ah,vanmang zonna tuang gige zou hi. Khenkhat in 'van sumang gige le om ahi maw ? ' a chi maithei uh.Himahleh,vanmang thu i zak chiang a,i ngaihtuahna a om dia i deih tuh ' A mangsaktu in a mukik diam?' chih hizaw leh a deih huai hi.Certifcate, Sum, ID-Card, Licence leh Document poimoh tuamtuamte banah Van chi tuamtuam te a sumangtute'n a mukik mahmah di uh chih theihsa ahi.Vanmang te 10 lak a 1 a sumangtu'n a mukik diam? Mihing lungsim tuamtuam ahihna ah, khenkhatte'n 'vangphatna' a ngai,khenkhat in chu a sumangtu zongkhiat sawm in,Daily Newspaper khawng ah hon suah uhi.Bible in ' Cheng 1 tung a ginom,a manpha zaw ah leng ginom ding a,Cheng 1 tung a ginomlou tuh a dang ah leng ginom lou ding' chi hilhial hi. I gam ah mi ginom leh chitak kitam henla, Sum leh vanmang a omchiang in mukik disa a kikoih theih chiat hun hong tung leh nak uthuai hina maizen eee...!
Ei Zosuante'n Khotang leh innveng theih dia kilawmlou chih i omsak uhi. Etsakna di'n: Mikangte bang a nupa ki-itna taklatna dia ki kiss, kipom, kikawi ,'I luv u' chihte khawng i chiindan uh hilou hi.Nupa ki-it mahmah te'n leng milak ah tuabangte chiing zenzen lou uhi. (milak lou ah bel...).Hiaite 'social taboo' dan a i koihtak uh ahi. Annek lai a lengla i neih leh, 'Hong nekpih un' chi a chial ngeina ahi. Sisuun omleh kisuunpihte i hih ban uah, Khotang theih a khamtheih hai tata bang hiaihun chia,'Hantoh' taima mahmahte hinuam ekh uhi. Hiaibangte kisinsak ngailou a i zuihtouh uh leh i paidan uh ahi. Himahleh, Mi vanmang muhchiang a piakkik ngeingei ding leh ei lamsa (bawlsa) leh neihsa le hiloute aneitu theihlouh a laklouh ding ahihdan leng i sisan uah belh leh deihhuai hi.
Hiailam toh kisai in Europe gam mite chitak mahmah uhi. Hiai gamte ah, na van leh sum mangsak lechin mukik ngeingei di a kikoih ding ahi.Police te toh Europe gam mite muanhuaina kibang a kichi hial hi.Himahleh,Police te muanhuaina i gen chiang in, Eigam ah bel Police te'n record hoihloupi nei uh ahihman in muanhuai tuanlou uhi. Europe gam a police te toh eigam a Police te teh di vual ahikei uhi. Tuaziak in,Gam khanlouhna di'n zaw,Sum leh Solkal chauh hilou in, a gammite'n leng chihtakna lungtang i neih uh kiphamoh hilou hiam ??
----Kakipak----
No comments:
Post a Comment