By ~ Sang Quptong
Churachandpur District (Lamka District chih ut huai simna a,ahun tung nailou.!?) mel et in simmoh huai mah leh,asung ah milian-milal di hunkhop koi kawmkawm hiam apan hong om uhi.Tua mah bang in,mizawng leh genthei tak a 'aak bang a' nektawm zong a khosa leng tamtak mi haute 'Dai kilkal' ah kitam veve hi(Kei tel in).Tua ahihman in,
I District sung uah,neih leh lam ah nakpitak a kikhiatna om ahi chih haihvuallouh thudik ahi chih i thei uhi.
Mizawng leh mihau kal tehkak touhtouh sawm i hi kei a,mizawng omkei leh ahau omlou di ahihman in,dinmun kibang a omtheih a, mi zawngte leh ahaute tung a i zatkhelhte uh gennuam i hi zaw hi.
I District sung uah,neih leh lam ah nakpitak a kikhiatna om ahi chih haihvuallouh thudik ahi chih i thei uhi.
Mizawng leh mihau kal tehkak touhtouh sawm i hi kei a,mizawng omkei leh ahau omlou di ahihman in,dinmun kibang a omtheih a, mi zawngte leh ahaute tung a i zatkhelhte uh gennuam i hi zaw hi.
Ahaupente tungdingtu a zawngte ahi ua,ahihleh azawngte kuan tungding ta di?? Tulai in a zawng leh a pautawmte a kankuah ding tawm mahmah (omlou phial) mawk hi.Office tuamtuam leh adiak a Hospital te ah, ahau leh a zawng kikal kideidanna a uang mahmah mawk hi.Semtu Doctor leh Nurse khenkhat bang in,Patience te,bang background,bang natna nei cihte thei masaloupi a,pawlam et a simmoh huai ziak a,kou suk pah toihtoih mawk(?).Tuabang chiindan in damloute Damna guan ding ahi chih Doctor leh Nurse te'n a zillai ua zilkhia ahih ualeh bel thutuam,himahleh,Zawn ziak a Patience te zak a ngaih hak mahmah leh, damlouhna behlaptu di thute kigenkhum hial zaw Doctor leh Nurse sem dia a kizillai un zilkha hial di un,kei mimawl ngaihdan in ka gingta kei hi.Hichi bang a kikou ek-ekh (zawn ziak a) na te in Damna hontun di ahi diam?? Damloute adia, lungtang a puakgik liantak leh,natna giltak,lungtang a kingaihsiat vungvung na ding paukam zangtu Doctor leh Nurse i tam mahmah ua, maban ah i sutzop touh zel ding uh lauhhuai mahmah hi.Damlou chiatchiat, ahau hi'n a zawng hitaleh,Medical treatment kibang (natna zir a chu tuam di mah) leh kampau lam ah leng, akilawm leh zaknopte patience te'n poimoh mahmah uhi.
Tuakia hilou in,District sung a officer khenkhat in a zawng leh ahau kal a attention apiak dan uh mitsiphuai mahmah nawn hi.Tuchiang in,Pathian hehpihna leh Government Hoihna ziak in(tamipite hoihkei lele) Government a kipan Scheme tuamtuam hong pai a,tuate ziak in,a zawngpen leh a teekpen natan in leng office poimoh in,officer lian taktak te amaituah uh poimoh hun tam mahmah hi.Tuabang hun chiang in,zawn ziak a office a nasemte attention ngah pahlou in ki-omsek hi. Hoihtak in ngaihtuah leng,milian leh milalte sang a,a zawngte attention piak poimoh zaw uh hi a, amawldan tanpha uh i na genkhum louh inle,amau leh amau kithei mahmah ua, zum leh zah pipi a hong maituah uh ahi chih mangngilh hetkei ni. Mel-et a simmoh leh zawng ahi chihziak a utteng genkhum, zahlak tak khawng a ana koih mawk,'a zawngte zawngdenlou dia, ahaute haudenlou di' eive.Tuabang chiindan a i neih veu sek pen uh haihuai leh gam changkang dek nailou i hihdan uh hon langsak mahmah hi.
Tumlam gamte tawndan enton i kichi ua, hiai tungtang ah i enton uh hiale ? Amau bel khentuam nei hetlou in Customer-te kiang ah a poimoh uh leh,ahihsak theih dite uh ana kan pah chetchet uhi. Eilam ah bel,Public mite toh kideal, front desk a tu-Clerk-te' nangawn, Dr.Manmohan Singh,US President Barack Obama-te dinmun luah mahbang a,mawk a houpih ngam ding hilou, banghiam dong le lah, i hamphat viau leh,kamkhat-kamnih khawng a hon dawng hamham uh chihdan khawng ahi. Kiliansak chihdia lah, kiletsakna di tham dinmun len leng hilou.Buailua a mi ngaihsak manlou chih dia lah,public toh ki deal dia,counter a front desk a tu hingal, 'VIP SICKNESS' neikha i hi di uam ? Mit siik bek in ki-en ta le chih hial di'n lah uang lawdeuh abang a,i duh thusam bel,i etton Tumlam gamte bang in om sawm leng mipite' kipahna hi mahmah ding hi.
Tua ahihman in, hiaibang chiindan i neihte uh,hoih hetlou ahihman in, awl a i khekkhiat a,kamsiam dan leh kammal hoihte mal khatkhat bek a i ziltouh deihhuai mahmah hi. Bible in "Kuapeuh genthei hehpihna nei in TOUPA ading in a leitawi sak a, huan a thil hoih hih amah a din nawn ding." (Paunakte 19:17).ana chi hial eive.Hichia i ki deal touhtouh ua leh,i maban uh lungzin huai mahmah ding hilou hiam ???
---Kakipak---
No comments:
Post a Comment