Zoudawn innsung leh lailam et na

By ~ Archie Muan Munluo

"For acknowledging the achievements, contributions and struggles of the women from all over the world.

Women are the real architects of society." ~ Harriet Beecher Stowe

Kum bangjat hiam peisa hitai, nikhat March tarik 8 ni in ka innvengte u inn a naupangte skul kuan hun in kava va hi. Atanu u,  Hoinu kum 11 mi skulkai nonlou [skul drop-out] in a nu kung a "Nu, kei bang hun a skul kai kia ding ka hiei?" chi'n dong hi.Anu'n ,"bawi i nei lou toh lai nasim thei a na gelthei leh ei adin hunta hi. Nei hilei nabawn un skul ihing kaisah nuam hi" chi'n dawng a, na u skul kai zouna dia hapan a ipang ngai ahi chi hi.Total literacy signature campaign Pu.moderator in ahing pat in tam Hoinute nuta hasietna toh ka hing gel doh hi.Tamna thiltung pen hasiet huai ka sah zia ka hing gel hilou in, I minam zoudawn lang innsung dinmun leh naupangte hinkho zahdan tomkim a agen-a ka mu zia ahi zaw hi. I society ua adiah in Zoudawnlam a numeite laisimna, pasal sang in kingaineu zaw hi. Delhi Zoumi sung et in numei sang in pasal koles kai tam zaw-a, tam in Zoukhopite a zong numei ngaineuna um ahi chi lung gel hing neisah hi.

Tam Hoinute innsung a, a u pasalpa skul kai in ama leh a naunu Kum 9 mi skul kai nonlou hi. Inn nasep le lounasep ah anu le apa kithua pi ua, a hinkhua u nichin in nasep ahi den hi.Tam Hoinu te unau in a..b…c… leh amau subject simthei ua a naunu in laibu dang simthei lou hi. Laisim thei bang nan uleh aloi akhan gual phangeilou ding uhi. Tam hoinute unau in apichin dong ua a hinkho zah ding u nasep ahi. It is the lives lived by many of our childrens; no plays, no learning; and always vulnerability-to edonomic and sexual exploitation, to a general powerlessness, this poverty of choice,would run through these childrens adult lives-a fate they will share,in varying shades of darkness,with large number of Zoudawn children.

Ngaitua tham chingkhat, tu a I mission skul te leh hattuamte'n I minam abuaipidan et in, tam naupangte hinkhuo zahdan a he [changed] thei in a umna de aw? Tua leh theinuam huaikhat I zou migun [Pharisai] te'n zounam khantouna ding [agu-a] aha gen na u numei leh naupang khantouna ding genkha lou in, abuaipi un, laisiem tampite leh Nam Laikaite'n I nam damna ding agen uhi, hinanleh Zoudawn naupang adiah in numeite hinkhua zahdan he lou in I nam in damna amu in akhangtou theina diai? I naupang mawlte hinkhua he lou in inam khangtou di'n kamusih hi. I society ua innsung leh pulam a numeite tuam bawlna a um hi.

Zoudawn lam numei le pasal skul kaidan et in ratio kikhe mama hi 3:10 chileng zong genkhial din ka kikoisih hi. Khopi a zong kikimlou ding hi.Tam naupang Hoinu lungtup khu Doctor ahi [ka doh ahi]. Zoudawn innsung khosahdan ha mama leh laisim nonlou numei naupang gen hinanleh ka bilvut mama hi. Numeite'n apoimo pasal toh dinmun kikim [Right to equality] chi Hoinu apat in ka thei thei hi. Laisimna, nahsuina, khotang hinkhua ah pasal leh numei dinmun kikim ding poimo chi zoudawn naupang in ahing hil hi.Tam Hoinu in ngenge (Naunge) hing nei ding a a etkol dingdan buai ding hi. Hoinu in bangchi'n atate mi apha sah zou diai? Education, economic, health lam ah mitmial in mitmial apuigal kai ding ka gingta sih hi. I nam damna din ken Zoumi numeite mitva sah a, naupangte va pia poimo ka sa hi.

Tu in zounupi tampi mitmial hi, Mothuai tah in numeite laisimna, nehsuina, khotang ah I ngaisah sih un innsung etkolna ah mawpuana lianpen ipe zel uhi. Tate etkolna ah genthei leh siemloutah in pilna siemna suina a ina ningkoi, ngaineu, I ngaisah lou numeite I zang zel uhi. Pu.moderator gen bang in zou pasalte numeite theilou a agu a khantou sawm u adiei? Pilna toh kidim I laisiem tamtah in numeite kimulou bawl in inam damna ding gen uhi. Loching lou ding uhi. 1992 Christmas ni in ka tunnu hing thuhil khat losapna khu zawthei ahi [failure can be conquer] tuni tan in ka thei zing hi. Tam ka hing genna pen nu in tate athuhil bang a tate'n aphat tuampi midang um lou hi. Ka nu in asanggam pasalte bang in lai nasim leh tua khotang leh hattuam-a a mapuina tu sang in loching zo ding hi. Nuamsa zo ding hi. I nam damna di'n numeite suhhat-a Right to equality I society leh innsung a a umngai ding hi.

Tam numeite suh hanta [women empowerment] leh Zoudawn naupang hinkho zahdan he [changed] na ding in koi in koi kung a bang agen a bang a bawl ding e? Thilbawl ding hasa mama nanleh, poimo a ka thei ei le ei i kinotua ua [we must pressurizes each other] ei le ei i kipui [guide] ua, pilzawte leh siem zawte'n amaw zote na hing pui ua, Zoudawn naupang buaina, numeite buaina thei chian a buaipi tahtah poimo hi. Tua hileh i Nam i Gam damna ding leh I nampi lunsa pahlun kia na dia kalkhat malam suan ihi ding uhi.