LAMKA LEH COMEDY FILM-TE

By ~ Sang Quptong

Zomite'n paunak a i neih uh, aneu-alian in i theih chiat uh ahihleh, ''Nuih damtheihna ahi'' chih ahi. Dik leng dik di'n a gintak huai. A ziak ahihleh, i nuih chiang in i gil khawng kisang a, i sunglam a 'Carbondioxide'te hong lengpawt in,'Oxygen' kidiiklut ziahziah ahihman in, i sung a huih hoihlou sawt om manlou ahihman in damtheih huai di mah in a gintak huai (Kei ngaihtuah dan in).
Nuih anuam a,Chiamnuih zak kuapeuh in nuam i sa ua,

himahleh vangsiat huaitak in,CHIAMNUIH SIAM(chiamnuih hat hilou) kitamlou hi.Tuaziak in, i gam ah,chiamnuih siamte leh,Chiamnuih Film te a lar mahmah uhi. Comedy Film bawltu: Zou Film Companyl eh Bukpi Film Company ngial in 'Box -office' ah hihhoih theilua uhi. Tulai hun a, tumlam gamte hihdan copy simsim a, Music leh Motion picture i bawlte uh sang in leng Comedy film te'n hihhoih thei zaw uh bang hi. MotionPicture Changkang taktak te khawng a upa lamte'n enthei nawn taktak lou uhi. Huaiziak in, a Teek-akhang in i kituahpihpen uh 'Comedy Film' ahi cihtheih hi. Himahleh, I vek in Comedy Film bawl ni cihna bel hi zenzen lou hi.

I Zomi paute lak ua khat 'Zou Pau' a kiletkhia,Thailand Film tuamtuam te, PAUPU FILM chi a i deihthoh mahmah te uh hon bawlkhete ngaihsan huai mahmah uhi. Hiai Filmte ei pau mahmah a hon letkhia (akam phun toh kituak dia) te chiamnuih siam ahihlouh tawp un leng,'Sense of Humour' hau mahmah mihing hi ngeingei ding uhi. Hiai Movie te i etleh, a Movie a pangte kamphun(Mouth movement) toh Zou pau a,agenkhiat ding uh kituak chetchet a abulhtheih ban uah, agente uh nuihzathuai leh ei toh kituak pipi hilai hi. I gam a Motion picture leh Film kibawlkhia tengteng in I Zogam ua Comedy Film kibawlte a phazou om diam cihtheih in om hi. ZOU FILM COMPANY LEH BUKPI FILM COMPANY te'n a Film bawlkhiatte uh Comedy Film lam ngen ahih ziak in,'Box Office' ah ahih hoih mahmah ua,maban a hon bawlzelte u'n leng ama ate bang a hon hihhoih zel di'n i gingta hi.Houchik bang mahleh, hichibang Film bawlte 'Creative' mahmah uh hi a theih in om hi. Hiaite banah,'SUMPANDI' kichi bang leng om lai hi.

Tumlam gamte tawndan etton pen khantouhna chikhat ahi a, himahleh eilawi in kihaichilh in kisiatpih nuam mahmah hi. Ahoihlam sang a ahoihlou lam i lak baihzawk ziak uh ahi diam? Music lam ah, Lu sing(shake) teitei di sa, music theih zek lelah, Sam hawisau di samawk. Laam lam ah lah, HIP-HOP kithang mahmah zel, Motion Picture i bawl chiang ualah, Numei leh Pasal kipom teitei di sa mawk. Hichibang a pangte'n sum hoih muhdeuh uh hia leh ? Ahoih muh deuh ua leh bel hoih mahmah, himahleh kisuk larna dan maimai a zang i hih ua leh bel, hihkhial mahmah ding i hi uh. Huanah, tulai a music album i bawlte uh khotnop di chi a a motion picture toh i thuah ngalte uh i ngihtuah mawkmawk leh, dik khin chiah lou ahi dia o chih theih di'n om hi. Dikkhinlou ahihleh bang chi bawl di ? Motion tellou in, Album khat hon suah khephot uh henla'n, alohchindan zir un motion Picture bawlpan le uh bang achi dia? Hiai a haksat di leh, La nalhdeuh khat bang hon release phot ding ua, huchi'n adangte'n zom ding hi. Huchi hileh, mipite'n et utna leh lei utna lungsim kinei deuh leh kilawm hi.

Bukpi Film leh Zou Film te apan et in, Film leh motion Picture bawlkhiatna a sumtampi sen ziak a, market a lohchin ding chihna hilou ahihdan kilang hi. Editing lam zaw ahoihdeuh mah hileh poikei.Himahleh, i gam Market leh Mipite' Duh leh Deihzawng et a ngai masa hi.Tumlam gamte ah 'RAPPER' te lohching mahle uh Lamka ah lohching lou ding uhi. I gam a mipite' suktheihlam deuhte et masak ngai hi, i market uh lianlua hilou ahihman in. I gen ut pen tuh, I gam Market leh Mipite deihzawng et in, Comedy Film mah lar pen a, a bawlte leng lawk mahmah di un i ngaihtuah hi. Maban ah leng 'Comedy Film' bangzah hiam Release di om ahi cih i thei a, ngaklah huai mahmah hi.''Hichibang Film bawlte'n hahpan semsem leh khantouhna toh kituak in hon bawl zelzel un aw'' chih mipite awsuak hi maimah di'n a gintakhuai hi. 

EITE MAH MAH.

-----Kakipak----